Kunstgalleri i Stryn Kommune?

Er tida moden for eit permanent kunstgalleri i Stryn Kommune? Økonomiske utfordringar står i kø i kommunen på fleire felt, men det er likevel ein spennande tanke. Med dei lokale kunstnarane som Rolv Muri og Kaare Sunde med fleire burde dette absolutt kvalifisere for eit galleri. Opprettelsen av Leiten galleri kan vel i ettertid diskuterast (sjå Urdal sin kommentar) men eg vil løfte blikket framover. Har opna opp for idéen med Kulturkontoret i Stryn som er positive til å få til eit samarbeid om dette. Kaare Sunde samlinga som Stryn Kommune har fått er dessverre ikkje tatt godt nok vare på, og dette må gjerast noko med. Vi får sjå om det er mogleg å få til noko i dei same lokala som Leiten Galleriet disponerte i kjellaren på Stryn Kulturhus. Stryn Kunstlag, Stryn Kulturkontor, Stryn Kulturhus og Sogn og Fjordane Kunstmuseum er naturlege samarbeidspartnarar.

Ta gjerne kontakt om du har ein idé, og/eller vil bli med på å realisere dette.